「長文慎入 希望大家可以睇下小弟追夢既體會啦」
由中學開始我一直係個無目標無興趣既年青人
直到升上大學入左攝影學會 先慢慢開始接觸攝影
Year one 尾的時候就買左人生第一部相機
初時真係咩都唔識 什麼光圈 曝光補償都真係聽都唔明 什至同伴都無個
只好自己出去影下公園影下花草 真係影得好差
只可以靠影完問下朋友
覺得邊張靚d 點先覺得靚
先慢慢知道自己下一次點影得好d
好記得呢個ig本來係私人ac
得200 300 個朋友睇到
後來學人整下Photoblog
每日都keep著更新自己出去影既相
而家望返以前既相
發現真係改變左好多
Total 800幾個post(有d hide左) 好實在沒有一天白廢過 落堂就衝出去追日落
得閒無事就影下貓
令到自己更了解攝影的技巧
每一張相都記錄左我同過咩人影相 去過香港同外面世界每個角落 識到咩朋友
有咩人支持自己
直到昨晚 達到了畢業前的目標 有更多人看到我的相
有人會問: 呢d只係網絡數字 只係虛榮心 怎麼如此care?
其實我不是care虛擬數字
我只係睇到自己一步一步累積既成果 三年間由0開始學習 只要有心 其實許多事情也能做得到 學到與人交往同朋友的重要性
而我很想多謝 @vivianwyan 同 @conniekayan
你地兩個由一開始俾我影到而家都無離開過我
初頭影到你地醜態百出
都無埋怨過我
特別係 @vivianwyan 同我上山下海出汗出血出錢出力 有個女神做下小毒毒既毛豆係一件好開心既事 相信無第二個女仔做得到
@conniekayan 雖然好耐無同你影 但以前一直係你陪我周圍去 同我傾計練習影相由朝早11點影到夜晚尾班車我都重好記得
多謝你地一直陪著我❤️
無你地無今日既我❤️
遲下請你地食飯❤️
如果問我黎緊有咩目標
我念會係攝錄一邊發展
我希望學會拍MV同攝影日記 記錄自己影相既過程同心得 希望到時候會有人睇下我既channel
至於婚攝這條路依然係未知數 因為我發現理想同現實係有很大差距 想自由攝影是不行的 不過我唔會放棄呢條路 慢慢接工作繼續學習 直到一天有人會記得我既婚紗相
Ig 曝光率而家好低了
雖然已經10k
已經很多人沒能看到我的相 以前真係百花齊放
而家連朋友的相都看不到
希望黎緊你們會繼續支持我 俾機會我學習 謝謝！
我好希望有一日會有人見到一張相 會記得係我 Ken Chiu 影既🤣
我會繼續追夢 唔會白白浪費可貴既青春係書本上
而係自己鐘意既事情上面
希望你地會揾到屬於自己既出路❤️
Search